Қазақ тілі апталығы

 Ақпан айының 7-11 аралығында «Камышенка ауылының ЖОБМ» КММ-де мектепішілік жоспар бойынша қазақ тілі мен әдебиеті апталығы басталды. Апталықтың бірінші күні 07.02.22. апталықтың ашылуы мен қабырға газеттерін безендіру жұмыстары өтті. Қабырға газеттерін шығаруға мектебіміздің 3-5 сыныптары және 6-10 сыныптары белсенді түрде қатысты. Қабырға газетттері «Қазақ тілі мәртебесі», «Ұлы тұлғалар», «Тарих қойнауы» тақырыптарына шолу жасады.  Апталықтың екінші күні сыныптарда «Мақалды суретпен сөйлетемін» айдарымен  сурет көрмелері ұйымдастырылды. 3-4, 5-6-7 сынып оқушылары үлкен қызығушылықпен өз өнерлерін көрсетті. Апталықтың үшінші күні сыныптарда «Өлең сөздің патшасы..» атты мәнерлеп оқу сайысы  мен ақын жазушылардың шығармашылығына арналған (9-11сыныптар) баяндамалар өтті. Аптаның төртінші күні мектеп оқушыларынан тест, диктант жұмыстары алынды. Жұма 11- ақпан күні 3-сыныпта «Қазақшаңыз қалай?» танымдық сабағы, 10-сыныпта «Ұлт ұстазы-Ахмет Байтұрсынов» атты ашық сабақтар өткізілді. Қазақ тілі апталығына белсенді қатысқан оқушылар мақтау қағаздарымен марапатталды. Апталық жоспар бойынша жақсы деңгейде өткізіліп, оқушыларға әрі білім, әрі тәрбие жағынан танымдық ақпараттар берілді.